الجزء الثالث
بعد مرور اسبــــــــــوع
((فله جراح))
مها في الغرفه تبكي مومعقوله كل يوم يطلع من الساعه 7 الصباح ويرجع 3 العصر ويتغداء ويقوم المغرب ويتقهوى ومايرجع الى 10 باليل ويلعب شوي مع بناته وينام وانا في الهامش
هين يالجراح والله لاوريك على باله اني شغالته
صدق من سماك جراح والله صدقوا
ررررررررررررررررن ررررررررررررررررررررن رررررررررررررررررن
مها/الو
امها/هلا ببنيتي وينك تقولين ماعندك ام
مها وهي تبكي/هلايمه ---سامحيني يالغاليه—بس تعرفين انشغلت شوي
امها وهي محزنه ع بنتها/علامك تبكين يابنيتي
مها وهي تمسح دموعها بيدها/سلامتك مافيني شئ00بس مشتاقتلكم
امها/خلاص تعشوا عندنا اليوم كلكم
مها /اليوم جراح مشغول يوم ثاني
امها/الا ونا امك وشخبار جراح معك
مها/الحمدلله يمه مايقصر معي بشئ
امها/لايبنيتي انتي فاهمه قصدي00لاتستحين مني تراني امك
مها وجهها صار احمرررررررر/ها00اي الحمـ ــ ـدللـ ـه بـ بـخير >>>كذابه
امها وهي تبتسم/حشى يمه كل ذا الخوف عشان سالتك 00بس بغيت اعرف خفت انك تفشلينا داريه انك بزر
مها/يمــــــــــــــــــــــه خلاص الحين صرت حرمه
امها/والله لو تصيرين حرمه انك بزر فعـــــيني
مها/ههههههههههههه
امها/يالله شدي حيللك وجيبي لنا الولد
مها/يمه والله توني صغيرهـ >>ماشاء الله تبيني اجيب الولد ولما الحين ماصار شئ
جراح/السـلام عليكم
(((مها وهي انهبلت متى جاء ماسمعته)))
مها/يالله ماطول عليك 00مع السلامه
امها /مع السلامه00لاتقطعين
مها/انشاء الله
جراح وهو يرفع صوته شوي/اقول السلام عليكم وشفيك ماتسمعين
مها/ وعليكم السلام 00الااسمع وشقالولك واسمع 00بس كنت اكلم
جراح/مين كنت تكلمين>>طبعا كذاب من كانت تكلم وهو يتسمع
مها وهي منقهره ماتحب احد يتلقف عليها/اميييييييييييييييييي
جراح/شوي شوي لاينقطع للك عرق
((مها يايشين اللي يخف دمه
مها ساكته
جراح/الا اخبار امتحانك اليوم
مها وهي مبتسمه اشوى سال عنها/الحمدلله حلو 00انشاء الله اجيب A
جراح وهو منهبل من ابتسامتها بس ماحب يبين/ هب عليك اي مره وحده
مها وهي تضحك /احمد ربك ماقلت اي بلس بس تعرف ساره امس فيها حراره شوي ومااخلتني اذاكر
(((جراح انهبل من ضحكتها اول مره من تزوجوا تضحك))))
جراح قرب من عندها ومسك يدها وبنظرات هيمانه//تعبتك ساره
مها انهبلت من اسلوبه/ لاعادي 00كل شئ عندي ولا بنات الغاليه
جراح بعد ماقالت بنات الغاليه فك يدها بقوه وطلع للدرج
اما من جهه مها >>تحسب انه زعل عشان ذكرته بالعنود وهي ماكانت تقصد
مها/ اسفه ياجراح والله ماكنت اقصد
جراح بعصبيه لانها ذكرتها فيه وهو مايواطنها//لاعادي
مها صعدت عنده في الدرج ومسكت يده /زعلان مني
جراح وهو يناظرها شافها محزنه/لاعادي 0000ازعل ع شئ مايستاهل
مها انهبلت الحين العنود شئ مايستاهل
جراح يبي يرقع السالفه/مافي اغلى من ذيك الانسانه بس انا قصدي مافي شئ يستاهل الحزن اللي بعيونك
مها استحت 00وفي نفس الوقت غارت
جراح الحمدلله اشوى ماكشفتني 00صدق ينلعب عليهم بسرعه هههههه
مها/معليش جراح ممكن طلب
جراح/امري
مها /اليوم الاربعاء وصديقاتي بطلعون للسوق عادي اطلع ومعي البنات
جراح وهو مستانس عشان يراقبها/عادي ولو تبين تتاخرين عادي وتراني منزل في حسابك فلوس يمكن تحتاجينهم >>يبي يشوف وين تصرفهم فيه كان يسوي هالطريقه مع العنود وكانت تصرفهم لفيصل
وخلي البنات مع المربيه>>يبي يخلي تاخذ راحتها عشان يراقب صح
مها /لا مشكور 00مستحيل اخلي البنات مع الشغاله مايتامن لهم
جراح وهو منقهر//خلاص عادي 00يالله انا بروح انام>>من القهر
حب يقهرها ولف عليها وقال//ترى امي وخواتي بيجون بعد الامتحانات ويمكن يطولون
مها بفرح/ياااااااااااااااااااااي وناسه مشتاقه لخالتي وسلوى وريناد الله يعافيك خلهم يطولون
--جراح وهومنفشل يحسبها بتنقهر وتقول لا نفس العنود----
جراح بسخريه واضحه/ ياي مره فرحانه
مها منصدمه منه ماتبي تكبر السالفه سفهته ونزلت مسكها جراح من يدها بقوه/انا لما اتكلم ماحب احد يسفهني فاااااهمه
مها بصوت مبحوح //خلاص فاهمه بس فك يدي عورتني
==شاف الدموع بعيونها وفك يدها وراح فوق==
مها بكت انا وش سويت عشان يهاوشني =جراح كان يسمع بكاها وعوره عليها
===========================
================================================== =
ملكــــــــــ غاده ونواف ###عبدالعزيز ونوف ـــــــــــــــــــــــــــــه
الجد موصيهم انهم يسون الملكه في مزرعته الكبيره 0
الناس مشغولين في التحضير ومعفوسين وكلن يقول انا احلى من الثاني
الا في وحدهـ في عالم ثاني تبكي من جوا قلبها ))غــــــــــــاده((اللهم انك تجعل في قلبي راحه ونور يارب 00
محد يدري عنها لانها انسانه كتومه جدا حتى مع صديقاتها 00ماتحب احد يشيل همها 00هي كل عارفه ان كل شخص عنده هم ليش تزيد همه زياده0
اما من جهه نوف
سعاد/اهجدي يابنت الناس والله صدعتي راسي
نوف/خايفه وش اسوي
سعاد/وش خايفه منه
نوف بتردد/خايفه اتطـــلق
سعاد/ياويلي ع البنت بتموتني الناس تستبشر بالخير وانت مابعد تملكتي وتقولين خايفه اتطلق
نوف/خايفه يصيرلي نفس منال تطلقت وهي متملكه
سعاد/ وش جاب الجاب 00نوف انا معد صرت اتحمل لو سمحتي برى
نوف وهي تبكي عارفه ان سعاد رحومه وطيبه /اهئ اهئ اهئ اهئ
سعاد ضمتها/والله اني اسفه بس انتي يانوف تجيبين افكار غريبه
نوف/خلاص اسفه
من جهه نواف
الدنيا مب سايعته ماصدق ان حلم الطفوله بتحقق له يومين ماعرف طعم النوم من الوناسه
احبه حب نساني شئ اسمه راحت بال
وحبه عامل بقلبي عمايل موطبيعيه
ماهي عاديه حشى ماهي عاديه
كلها طيبه ورقه وحنيــــــــــــه
قلبي الي بالهوى ربي بلاه في حبيب يا
كثر ناس تبيه كل يوم يزيد فــــــــــــــــــــي
عيني حلاه مابقى في الزين شئ مــــــــا
هو فيه حذت انا قلبه وهــــــــو قلبي خذاه
من جهه عبد العزيز
كان مره فرحان لانه سمع من خواته انها مره حلوه عاد هو اهم شئ عنده الجمال بس كان خايف شوي
انها ماتتقبله ودايم يسمع من محمد انها كل شوي تبكي عاد هو مايواطن بكاء الحريم
اما عند نايف
كان كل شوي يتقلب في السرير جفاه النوم من بعد ماشاف مــــلاك 00خلاص ماعاد فيني صبر
بخطبها من عمي وجلس يضحك ع نفسه كنت اضحك ع نواف وربي بلاني باقوى منه بس
يازينه دام انه من ملاك
ابو سعد: خلاص اهدي يم سعد
ام سعد وهي ميته من الصياح:وشلون تبيني اهدى ونظر عيني مسجون حسبي الله ونعم الوكيل
يابو سعد كلموا اهل الخير ياخرون الحكم يمكن تلين قلوبهم
ابو سعد:لاتخافين كلمناهم وانشاء الله خير
--ابو سعد محطي امل بخوهم مبارك لانه كل ماكلموهم يكون هادي وتنزل دموعه
اما من جهه منيره كانت مو مصدقه انه خلاص بيموت كل ماتبي تفرح تنصك ابواب السعاده في وجهها
اما سعده كانت مؤمنه بقضاء الله وقدره 00تدعي لربها انهم يفرجونه
الســـــــــــــــــــــــــــــاعه عشرهـ ونص
امتلت المزرعه بالناس كل شئ كان مرتب وحلوه كانت الاجواء رومنسيه
لينا/ شوفتي شلون خرب كحلك
غاده وهي ماسكه نفسها/خلاص والله اخر مره>>>ياعيني ع البراءه
لينا/افرحي 00اليوم فرحك يائلبي
غاده ياربي ماتنطم ذي تبي تزيد علي اوووووووووووووووووف
فجاءه انفتح الباب وكلهم مبببببببببببببببببببببببببببببببببروك
غاده انهبلت بنات خالتها جايين من القصيم
دينا وفرح //وااااااااااااااااااو ماشاء الله طالعه قمر
((غاده كانت لابسه فستان حرير احمر ناعم عاري من فوق ومن تحت الصدر مزموم وفي جوهره في الوسط
لونها ذهبي اما تسريحتها كانت محطيه شريطه ذهبيه ورافعه كل شعرها بطريقه حلوه ومكياجها كان ناعم بس الروج
احمــررررررررررررررر
غاده وهي تبكي/الله يبارك فيكم
دينا وفرح يحسبونها تبكي عشانهم
لينا /خلاص غاده شوفي ماكياجك عم بيخرب
ملاك والجوهره دخلوا عليهم ::الجوهره/ماقول الا الله يكون بعونك يابن عمو
كلهم ضحكوا ع هبال الجوهره الا غاده
لينا/ماشا الله جسمك كتير ياجوجو
الجوهره/عم بعرف يائلبي كتير ناس الو لي لدرجه انه براد بيت ارسلي اني اشاركوا بفلمه الجديد بس انا التو
لا بتعرفي ليه
لينا/لا
الجوهره/ اقلتله لازم امســــل >>امثل 00بالعبايه والبرقع
كلهم هههههههههههههههههههههههههههههههههههههههههههههههههه ه
نوره/لاوالله انتم هنا وانا ادوركم بسرعه قدامي ع غرفه نوف لحالها مع سعاد روحوا ساندوهم
الجوهره/ليه عزا ولاعزيمه
ملاك وهي تضحك/سمـــــــــــاجه
الجوهره/ ياربي متى يجي دوري مليت من العزوبيه
نوره/وجع ماعاد فيك حيا بسرعه يالله
الجوهره/اي على كيفك تصارخين بلاك نجيتي من قطار العنوسه اهب عليك
ملاك ضربتها/وجع يوجعك تحسدين اختي
نوره تضحك/حسبي يالله ع عدوك خليتي الخكريه تعرف تدعي
دخلـــــــــــــــــــــــــــــــوا غرفه نوف
نوف وهي تبكي/ابي امي
سولي/خلاس ياحببتي شوهيدا ماكياجك خرب ومافيني عيده
سعاد/استغفرالله
ملاك /اهدي والله عزوز طيوب وحليل
الجوهره/وانا اشهد
نوف وهي مبتسمه/وانتي وش دراك
الجوهره/الحمدللله تبكي والحين تغار وبعدين وش ابي بواحد عيونه مثل الزيتونه
ملاك /زيتونه بعينك
نوف /انا خايفه مولازم يشوفني
ملاك/ احمدي ربك انه ماراح يدخل عند الحريم 000ان دخلكم في الصاله الداخليه
يالله عن الدلع
سعاد/نوفي لاتفشلينا
مرام دخلت عليهم وانهبلت من جمال نوف كانت ايه في الجمال
((نوف كانت لابسه نفس موديل فستان اليسا في اغنيه لوتعرفوا بس لونه ذهبي ومكياجها كان ترابي
وشعرها من قدام محطيه بوف وملفوف ع الخفيف كانت روووووووعه((
مرام تصير بنت عمته ملاك والجوهره عمرها 17سنه مرام كانت تبي عبدالعزيز لها حتى امها لانه غني
مرام بعين قويه ماسلمت ع نوف /ملاك امي تبي تسلم ع غاده هي وينها فيه
ملاك انقهرت لانها ماسلمت ع نوف /في الغرفه اللي جنب الصاله
سمعوا زغاريد من عند الحريم
ملاك/وش فيه
الجوهره/خلينا نشوف من الدريشه 00يوم شافوا لقوا عمهم عبدالرحمن جاي من بريطانيا خلص
الماجستير-
نسيت اقولكم عن عمهم عبد الرحمن اصغر اعمامهم طيب يعطي بنات اخوانه وخواته وجهه
متزوج بنت خالته هنادي وعنده بنت اسمها الجوري عمره30سنه
هنادي/تدرس فنيه في جامعه المللك سعود سنه ثالث عمرها22سنهاهي المفروض تخرجت بس راحت مع زوجها
بريطانيا انسانه متدينه تنصح كل ماتشوف شئ غلط "ولاتخاف من احد ""شوفوا في الجامعه وش بيصير
في بيت ابو ابراهيم
فهد:يعني وشلون مانتي برايحه
سهى بعصبيه/مابي اروح ماني بطايقه اشوف احد
فهد/وانت متى طقتي نفسك عشان تطيقين غيرك
سهى /اقول احترم نفسك
فهد عصب ومسكها من يدها سحبها عنده/انطمي 00الاوالله بذا العقال فهمتي00ورماها ع الكنب
سهى/طلقني لو كنت رجال
فهد ضحك/لالالالا مستحيل مابعد اشبع من العسل ----دافع فيك فوق الميه الف وتبيني اطلقك نونونوو
سهى /كم تبي وخلص
فهد/اذا مليت من هالخشه اطلق وضحك /وبعدين من وين للك ياحسره ماسمعتي ان هللك فلسوا
سهى/اكرهـــــــــــــــــــــك
طلع من البيت من القهر
((فهد انسان طيوب وكان انسان رائع بس بعد ماتزوج سهى صار شخص مايطاق كان زواجه مصلحه بين
الاهل هو تقبل الموضوع وعادي لانه عنده الحب بعد الزواج بس سهى اللي ماتبيه واضح انها مغصوبه عليه
هي كانت مخطوبه لولد عمها وتحبه ويحبها بس ابوها من يوم درى ان فهد يبيها فسخ الخطوبه عشان يناسبونه
ولهم 6اشهور وحياتهم اسوء من الاول وهي قررت تاكل موانع عشان تتطلق منه وتاخذ ولد عممها
00000000000000000000000000000000000000
0000000000000000000000000000000
طفوا اللمبات مابقى الا النور اللي ع وجــــــه غاده كانوا الناس منهبلين عليها ونزفت على موسيقه هاديه لبتهوفن
وطول الطريق كانت خايفه 00وصلت للكوشه وناس تبارك وتسلم
الجدهـ/مبروك 00مبروك يابنيتي00والله يوم مناي اني اشوفك انتي وملاك عرايس00وانشاء الله
اشوف عيالكم((الجده تحب عيال ابو عبد العزيز مره ))
غاده وتبوس راسها/الله يبارك فيك ياجده00ويعطيك ربي طوله العمر انشاء الله
عمتها مزنه/مبروك ياغاده 00انشاء اشوف عياللك حوللك
((مزنه انسانه هاديه واحيانا تصير خبيثه بس كانت تبغى غاده لولدها ؛وعبدالعزيز ياخذ بنتها ؛بس ماحصل نصيب
حاولت انها تفركش الخطبتين 00بس كانت فاشله؛وهي وام نواف مايواطنون بعض))
غاده/الله يبارك فيك ياعمه وعقبال مرام
الخاله ام ابراهيم تبكي/مبرووك ياغاده مبروك >>تذكرت اختها
غاده وهي تضمها /الله يبارك فيك يايمه
رقصوا ملاك والجوهره ع اغنيه جنه جنه وعمتهم مزنه غمزت لمرام ترقص معهم
وبعدها رقصت نوره وسمر وبنات خالاتهم ع اغنيه جابر الكاسر –احبه—ورقص كل من هب ودب
ام نواف/تغطوا00تغطوا00بدخل نواف اللحين
دخل عليهم نواف وكان كل تركيزه على حوريته باسها من راسها /مبروك
غاده وهي ترتجف/اللـ ـه يبـ ـارك فيك
كان طول الوقت يتامل فيها يعني خلاص الحين صارت زوجتي>>نسى وينه فيه
اماغاده وجهها طماطه حشى مو راضي ينزل عيونه اووووووف
اما البنات قعدوا يضحكون ع غاده والجوهره راحت تصورها مقطع فيديو
سمر/الف الف مبرووووووك وجابت الشبكه
نواف وغاده/الله يبارك فيك
نواف لبس غاده الشبكه والحريم كلللللللللللللللللللللللوش للللللللللللللللللللللللللللللوش
ام نواف تشاورهم/قموا روحوا الصاله الداخليه شوفوا الناس وشلون تطالع
00000000000000000000000000000000000000000000000000 0000
0000000000000000000000000000000000000000000
اما من جهه عبدالعزيز
قال /لاتخافين والله ماكللك
نوف بخوف/طيب لاتناظرني كذا
قال وهو يضحك/ليه انت الحين زوجتي وقرب من عندها قامت بسرعه بس مسكها وجلسها جنبه
هي سكتت
قال/لا000لا00تراني ماحب العب قط وفار
نوف وهي مفتشله/معليش ااااسفه
قال/نوفي انتي نفس قسم ملاك >>كذاب هوعارف كل شئ عنها بس يبيها تسولف
نوف/لا انا قسم تربيه خاصه
قال /اوووه ماشاء الله تربيه خاصه مستقبله مره حلو انشاء الله اذاخلصتي من الجامعه افتتح جمعيه
للمعاقين واخليك تشرفين عليها>>كذاااااااااااااااب وهوسمع خواته قالوه
قالت ببراءه/صدق –مشكورماتصدق ان هذي امنيه حياتي
قال/كم عندنا من نوف وحده وبس لوتبي عيوني عطيتها
استحت ونزلت راسها –هو ماتوقع في بنت نفس جمالها كل شئ فيها حلو والله اني خايف
احسد نفسي
دخلت نوره وملاك والجده وخالته ام براهيم وعمته وهي ميته من الغيره وسعاد وهي متغطيه وباركوا لها
الجده وهي منهبله من جمالها/ماشاء الله تبارك الرحمن 00مبروك يابنيتي
نوف وتحب راسها /الله يبارك فيك
الجده تكلم عبدالعزيز/وانا اشوف ماخذيت من اهللك اثاريك منقي للك زينه
كلهم اضحكوا ع الجده
عبدالعزيز/يالله انا استاذن محمد كل شوي داق علي
الجده/ايه العب علينا بهاالكلام عشانك شفتنا بتستاذن
عبدالعزيزبضحك/مشكلتك فاهمه ياجده
رمت عليه المخده الجده/الله يقطع بليسك ياعزيز
قال /يالله مع السلامه وقرب من عند نوف بحركه جريئه باسها ع خدها
هي نزلت راسها من الحيا
قال/يالله مع السلامه ويناظر نوف
كلهم/مع السلامه
اما من جهه نواف وغاده
كانت غاده طول الوقت ساكته لانها ماتقدر تتقبله وهو اللي يسولف
((نواف في نفسه الله يعيني عليهامره تستحي((
نواف //قلبي وشفيه ساكت 0تعبانه
غاده ردت اخيرا//لا
نواف//طيب وش فيك
غاده/مانمت زين
نواف بخبث/اها اكيد تفكرين فيني>>ياشين الواثق
غاده تبي تسكته//ايــــــــــــــــــــه
نواف انهبل من جراتها وبفرحه//غاده انتي تحبيني
غاده في نفسها اوووف انسان غثيث //اكيد انت ولد عمي
نواف تحطم00شافها تناظر الساعه ودرى انها مستحيه منه
قال //يالله ياقلبي مع السلامه والله لوبيدي كان قعدت معك بس مابي اخرك
مسك يدها وباسها قالت وهي منحرجه//مع السلامه
((غاده ياربي وشفيني والله انه انسان طيب وواضح انه يموت فيني بس والله موبيدي ((
انتهت حفله الملكــــــــــــــــــــه ع خـــــــــــــــــــــــــــــــير
الساعه9ونــــــــص
نوف تسمع صوت الجوال شافته عبدالعزيز //الــــــــــــــــو
قال//هلاوالله بحياتي وشخبارك ياقلبي
قالت//الحمدلله بس تعبانه شوي
قال وهو خايف//سلامات وشفيك
قالت//امس ماسكيت السماعه الا الساعه 5الفجر –والحين داق
قال//مليتي مني
قالت بجراه//امل من الدنيا ولاامل منك—بس اعذرني تعبانه شوي
قال//اوكي ياقلبي مع سلامه وذا قمتي اتصلي علي
قالت//انشاء الله –مع السلامه
وسلامتكم
الأحد يوليو 13, 2008 6:20 am